काभ्रेपलाञ्चोकको तेमाल गाउँपालिकाले विभिन्न स्थानमा प्रवेशद्वार निर्माण गरेको छ । तामाङ समुदायको भाषिक, सांस्कृतिक तथा धार्मिक पहिचान बोकेको तेमालमा घुम्न जानेका लागि गाउँपालिकाले तीन मुख्य नाकामा बौद्ध संंस्कृति अनुसारको प्रवेशद्वार निर्माण गरेको हो । बोहरे दोभान, कालीमाटी र यारीनागमा प्रवेशद्वार निर्माण भइसेको गाउँपालिका अध्यक्ष सलाम सिं तामाङले जानकारी दिनुभयो । उहाँले तेमालको ऐतिहासिक स्थानको संरक्षणमा उच्च प्राथमिकता दिएको बताउनुभयो ।
