सत्तारुढ नेकपा माओवादी केन्द्र संसदीय दलको बैठक शुरू भएको छ । सिंहदरबारस्थित संसदीय दलको कार्यलयमा बैठक भर्खरै शुरू भएको हो ।
आज दिउँसो १ बजे प्रतिनिधिसभा बैठक आह्वान भएको छ । सरकारले संसदमा एमसीसी टेबल गर्ने तयारी गरेका बेला माओवादीले संसदीय दलको बैठक बोलाएको हो ।
माओवादीका जनवर्गीय संगठन अहिलेको अवस्थामा एमसिसी पारित गर्न नहुने भन्दै सडक आन्दोलनमा छन् । सभामुख अग्नि सापकोटाले बिहान साढे ११ बजे कार्यव्यवस्था परामर्श समितिको बैठक बोलाइसकेका छन् ।
माओवादी केन्द्र निकट अनेरास्ववियु (क्रान्तिकारी) र वाइसियलले यथास्थितिमा एमसीसी टेबल गर्ने कदमविरुद्ध संसद् भवन बानेश्वर घेराउ गर्ने कार्यक्रम छ । अनेरास्ववियुका नेताहरूका अनुसार बिहान ११ बजे बानेश्वरस्थित एभरेस्ट होटेल अगाडि भेला भएर संसद् भवनसम्म प्रदर्शन गरिनेछ ।
