टी-२० अन्तर्राष्ट्रिय क्रिकेट खेलमा नेपालबाट ५ अर्धशतक प्रहार गर्ने कुशल मल्ल पहिलो खेलाडी बनेका छन्। फिलिपिन्सविरुद्धको जारी टी-२० विश्वकप छनोटमा अर्धशतक पूरा गर्दै कुशलले नेपालबाट पाँच अर्धशतक प्रहार गरेका हुन्।
नवौं ओभरको छैटौं बलमा चार रन प्रहार गर्दै उनले अर्धशतक प्रहार गरेका हुन्। यसअघि टी-२० अन्तर्राष्ट्रियमा उनी र पूर्वकप्तान पारस खड्काको नाममा ४-४ अर्धशतक थिए।
कुशलले गत अप्रिलमा कीर्तिपुरमा भएको त्रिदेशीय शृंखलाका पाँच खेलमा ४ अर्धशतक प्रहार गरेका थिए। पारसले ३३ खेलको ३२ इनिङ्समा ४ अर्धशतक प्रहार गरेका थिए। कुशलले ८ खेलको ८ इनिङ्समा ५ अर्धशतक हिर्काएका हुन्।
उनीहरुबाहेक दीपेन्द्रसिंह ऐरी र विनोद भण्डारीको नाममा २-२ अर्धशतक छन्। त्यसबाहेक ज्ञानेन्द्र मल्ल, आसिफ सेख, कुशल मल्ल, सन्दीप जोराले एक एक अर्धशतक प्रहार गरेका छन्।
