सोमवार, मंसिर १२, २०७९

अपराजित योद्धा’ र ‘बादल फाटेपछि’ विमोचन


कान्तिपथ


पाल्पामा दुई कथा सङ्ग्रह विमोचन गरिएको छ । साहित्यकार शान्ता शाक्यद्वारा रचना गरिएको ‘अपराजित योद्धा’ र ‘बादल फाटेपछि’ कृतिको विमोचन गरिएको हो ।

पत्रकार मेघराज शर्माले दुवै कृतिको विमोचन गर्दै कथासङ्ग्रह प्रकाशन गर्न सफल कथाकार शाक्यलाई बधाई दिनुुभयो । यी कृति सरल भाषामा मार्मिक सामाजिक यथार्थलाई उजागर गरी लेखिएको उहाँले बताउनुभयो ।

उपप्राध्यापक अर्चना शाक्यले बादल फाटेपछि कृतिका सम्बन्धमा दसैँ कसको (२०४६) कथाका माध्यमबाट औपचारिकरूपमा साहित्यमा प्रवेश गर्नुभएकी शाक्यले कविता, कथा, निबन्ध, समालोचना आदि विधामा कलम चलाएको बताउनुभयो । बादल फाटेपछि कृतिमा १५ कथा समेटिएका छन् । यसमा सामाजिक यथार्थका साथै नारी समस्याको उठान गरिएको छ ।

साहित्यकार कमल खत्रीले ‘अपराजित योद्धा’ माथि टिप्पणी गर्दै समसामयिक यथार्थ र समस्यामा केन्द्रित रहेर कथा सिर्जना गरिएको बताउनुभयो । ग्रामीण जीवनको सरलता र कुटिल सहरिया जीवनप्रतिको वितृष्णा भाव मुखरित भएको उहाँको ठहर छ ।

कथाकार शाक्यले माइतीको न्यानो आँगनमा दुई कृति सार्वजनिक गर्न पाएकामा गौरवको अनुभूति भएको बताउनुभयो । साहित्यकार राजेन्द्रगोपाल सिंहले पाल्पाको साहित्यको पृष्ठभूमिमा महिला साहित्यकारको अवस्था उजागर भएको बताउनुभयो ।

सूचना विभाग दर्ता नं. २७०८/०७७-७८

अध्यक्ष:

विमल ढुंगेल

प्रबन्ध निर्देशक:

देव चौलागाईं

सम्पादक:

जेविन सर्वहारा

मार्केटिङ्ग:

विनोद घिमिरे

लेखा:

विष्णु फुँयाल

आईटी:

प्रज्वल चौलागाईं

फोटो/भिडियोग्राफर :

रामकाजी बस्नेत

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत