काठमाडौ । एमसीसीका बारेमा पार्टीले लिएको निर्णय भन्दा फरक मत राख्ने नेताहरुलाई आफ्नो पक्षमा पार्न अहिले नेकपा महासचिव नेत्रविक्रम चन्द विप्लव दौडधुपमा ब्यस्त छन् । एमसीसीको विरोधमा उत्रिएकाहरुलाई उनले एकताको प्रस्ताव राख्दै दौडधुपमा लागेका छन् ।
नेकपा माओवादी केन्द्रका नेता नारायणकाजी श्रैष्ठलाई भनेका विप्लवका नेताहरुले एमाले नेता भीम रावललाई पनि भेटेका छन् । विप्लव सहित प्रवक्ता खड्गबहादुर विश्वकर्माले एमाले नेता भीम रावलाई भेटेका हुन् । बिहीबार बिहान नेता रावलनिवासमा नेताहरुबीच भेटवार्ता भएको हो ।
भेटमा एमसीसी र राष्ट्रिय स्वाधीनता रक्षाको पक्षमा एकताबद्ध भएर संघर्ष गर्ने विषयमा छलफल भएको विप्लवको सचिवालयले जनाएको छ । यसमा रावलले पनि सकारात्मक जवाफ दिएको सचिवालयको भनाइ छ । विप्लवले बुधबार माओवादी नेता नारायणकाजी श्रेष्ठ, नेकपा एसका नेता झलनाथ खनाललगायतलाई समेत भेटेका थिए ।
