प्रहरीले स्रोत नखुलेको डेढ करोड रूपैयाँसहित काठमाडौंको कालिमाटी क्षेत्रबाट दुई जनालाई पक्राउ गरेको छ । महानगरीय अपराध महाशाखाको टोलीले कालिमाटीबाट १ करोड ५० लाख रुपैयाँ रकमसहित एकजना भारतीय नागरिकसहित दुईजनालाई पक्राउ गरेको हो । प्रहरीले बरामद गरेको रकम हुन्डी कारोबारका लागि जम्मा गरिएको आशंका गरेको छ ।
महाशाखाका अनुसार पक्राउ पर्नेमा अमित अग्रवाल र बिक्की खड्गी छन् । उनीहरूलाई विशेष सूचनाका आधारमा पक्राउ गरिएको महाशाखाका एसपी कृष्ण कोइरालाले बताए ।
भारतको सिलुगुडीका अग्रवाल हाल काठमाडौं महानगरपालिका १३ ताहाचलमा बस्दै आएको प्रहरीले जनाएको छ । खड्गी भने कालिमाटीकै भएको प्रहरीको भनाइ छ । पक्राउ परेकाहरूका बिरुद्ध थप अनुसन्धान भइरहेको एसपी कोइरालाले बताए ।
