जिल्ला प्रहरी कार्यालय संखुवासभाले नक्कली प्रहरीको रुपमा ठगी गरेको आरोपमा २ जनालाई पक्राउ गरेको छ । पाँचखपन नगरपालिका ४ का अर्जुन तामाङ र रमेशकुमार तामाङलाई नक्कली प्रहरीको पोसाकसहित पक्राउ गरेको डीएसपी लालध्वज सुवेदीले बताए ।
नक्कली प्रहरीको रुपमा ठगी गरेको आरोपमा पक्राउ परेका रमेशले श्रीमति प्रमिला सार्कीलाई अपहरण गर्न ४ जना नक्कली प्रहरी परिचालन गरेको बताएका छन् । प्रहरीका अनुसार अझै २ जना नक्कली प्रहरी फरार छन् । पक्राउ परेका रमेश र प्रमिलाबीच विगत ६ महिनादेखि मनमुटाब थियो ।
