नेकपा (एमाले) का प्रदेश कमिटी सदस्य तथा वेदकोट नगरपालिकाका मेयर अशोककुमार चन्दसहितका नेता कार्यकर्ता नेकपा (एकीकृत समाजवादी)मा जाने भएका छन् ।
वेदकोटमा आइतबार एक कार्यक्रमकाबीच समाजवादीका अध्यक्ष तथा पूर्व प्रधानमन्त्री माधवकुमार नेपालले चन्दसहितका नेता, कार्यकर्ताहरूलाई पार्टीमा स्वागत गर्ने कार्यक्रम राखिएको छ ।
मेयर चन्दसहित वेदकोट नगरपालिकाका अधिकांस (बहुमत) वडाध्यक्ष, वडा सदस्यलगायतका जनप्रतिनिधिले समाजवादीमा समाहित हुने तयारी गरेपछि एमाले कञ्चनपुरमा खैलाबैला मच्चिएको छ । कार्यकर्ताहरूलाई पार्टीमा अवसर नदिएको र पेलेरै लैजाने रणनीति लिएको बुझाइ चन्द पक्षको रहेको छ ।
