नेकपा एकीकृत समाजवादीले रामेछाप जिल्लाका आठमध्ये तीनवटा स्थानीय तहको नेतृत्व आफूले पाउनुपर्ने दावी गरेको छ । एमालेले जितेका ५ मध्ये तीनवटा स्थानीय तहमा दावी गर्ने पदाधिकारी बैठकले निर्णय गरेको हो ।
मन्थली नगरपालिका,खाँडादेवी गाउँपालिका र गोकुलगंगा गाउँपालिकाको नेतृत्व दावी गर्ने र त्यसका लागि पाँच दलीय गठबन्धनमा प्रस्ताव लैजाने निर्णय भएको हो ।
मन्थलीको मेयर रमेश बस्नेत नेकपा एसको जिल्ला अध्यक्ष समेत हुन् । गठबन्धनसँग वार्ता गर्न जिल्ला इन्चार्ज देवशंकर पौडेल,पोलिटव्युरो सदस्य होम बुढाथोकी र जिल्ला अध्यक्ष बस्नेत रहेको संयन्त्र समेत गठन भएको छ । रामेछाप नगरपालिकामा भने नेकपा एसले उपमेयरसहित वडा नम्बर ७ र ९ को अध्यक्ष दावी गर्ने भएको छ ।
