सरकारले दोलखा जिल्लामा राष्ट्रिय भूमि आयोगलाई पूर्णता दिएको छ। मन्त्रिपरिषद्को निर्णयअनुसार भूमि व्यवस्था, सहकारी तथा गरिबी निवारण मन्त्रालयले गठबन्धनका दलहरुलाई भागबण्डा गर्दै आयोगलाई पूर्णता दिएको हो ।
खासै सांगठानिक प्रभाव नभएको जसपाले दोलखामा भुमि आयोगको अध्यक्ष पाएको छ । जसपाको कोटामा ललित मगर अध्यक्ष बनेका छन् । माओवादी केन्द्रबाट रिता रिमाल विज्ञ सदस्य, सदस्यमा जसपाबाट सुशिला शर्मा र नेपाली कांग्रेसबाट सुशान्त तामाङ्ग रहेका छन्।
नियुक्तिका विषयमा सत्ता गठबन्धनसम्बद्ध दलहरूबीच भागबन्डा नमिल्दा नियुक्ति प्रक्रियामा ढिलाई भएको हो । आयोगले जिल्ला-जिल्लामा भूमिहीन दलित र भूमिहीन सुकुम्बासीलाई जग्गा वितरण गर्ने प्रक्रिया अघि बढाएको छ । सरकारले गत ३० भदौमा अध्यक्ष देवी ज्ञवाली नेतृत्वको सुकुम्बासी समस्या समाधान आयोग खारेज गर्दै राष्ट्रिय भूमि आयोग गठन गरेको थियो । आयोगको अध्यक्षमा केशव निरौला र उपाध्यक्षमा नहेन्द्र खड्का नियुक्त भएका थिए ।
देवराज चौलागाई
०१-५१४९१६०
इमेल:kantipath24@gmail.com
ठेगाना: का.म.न.पा-३२, काठमाडौँ