आइतवार, बैशाख ९, २०८१

बैतेश्वरमा माओवादीले अध्यक्ष नछाड्ने, तामाकोशीमा केसी उम्मेदवार


कान्तिपथ


नेकपा (माओवादी केन्द्र) ले दोलखाका दुई गाउँपालिकामा गाउँपालिका अध्यक्षका उम्मेदवारको टुंगो लगाएको छ । दोलखाका बैतेश्वर र तामाकोशी गाउँपालिकामा अध्यक्षका उम्मेदवारको टुंगो लागेको छ ।

बैतेश्वर गाउँपालिका कमिटीको आज बसेको सचिवालय बैठकले लक्ष्मण खड्कालाई गाउँपालिका अध्यक्षको रुपमा अघि सारेको गाउँपालिकाका सचिवालय सदस्य बिनोद घिमिरेले बताए । बैठकमा नेकपा (माओवादी केन्द्र) की केन्द्रिय सदस्य तथा दोलखा जिल्ला इन्चार्ज देवी खड्का, नेता गोपाल पाण्डे, जिल्ला सह-इन्चार्ज परशुराम रिमाल, पालिकाका पदाधिकारी लगायत उपस्थित थिए ।

बैतेश्वरको वडा नं २ मा राजु तामाङ्ग, ४ मा लक्ष्मण चौलागाईं, ५ मा भुवन घिमिरे, ७ मा मिनकुमार शिवाकोटी वडा अध्यक्षको उम्मेदवार सिफारिस भैसकेका छन् । पालिकाको बैठकले अन्य वडामा पनि छिट्टै उम्मेदवार टुंगो लगाउने निर्णय गरेको छ । गठबन्धन भएपनि बैतेश्वरमा अध्यक्ष छाड्न नसक्ने निर्णय भएको, समाजवादी वा कांग्रेसलाई उप-प्रमुख दिनेगरि अगाडी बढ्न सक्ने निर्णय भएको घिमिरेले बताए ।

त्यस्तै तामाकोशी गाउँपालिका कमिटीले पनि पालिका अध्यक्षको उम्मेदवारको टुंगो लगाएको छ । पालिका अध्यक्षमा माओवादीको तर्फबाट सन्तोष केसी सिफारिस भएका छन् । तामाकोशीमा वडा नं १ को अध्यक्षमा सुरेश उप्रेती र वडा नं. ४ मा खड्गविक्रम खडका वडा अध्यक्ष सिफारिस भएका छन् ।

आजै तामाकोसी गाउँ पालिका वडा नं. २ निवासी कवीप्रसाद काफ्ले नेपाल कम्युनिस्ट पार्टी माओवादी केन्द्रमा आबद्ध भएका छन् ।



सूचना विभाग दर्ता नं. २७०८/०७७-७८

प्रबन्ध निर्देशक:

देवराज चौलागाई

सम्पादक:

जेविन सर्वहारा

लेखा:

विष्णु फुँयाल

आईटी:

प्रज्वल चौलागाईं

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत