भारतमा संचालन हुदैँ गरेको इन्डियन प्रिमिएर लिग कोभिड प्रकोपको डरले प्रभावित भएको छ । आईपीएल टिम दिल्ली क्यापिटल्सले कोरोना फैलिने त्रासले पुर्व निर्धारित पुणेको यात्रा रद्द गरेको छ। टिमका सम्पूर्ण सदस्यलाई आज र भोलिका लागि होटेलमै कोभिड-१९ परीक्षण गरी क्वारेन्टाइनमा राखिनेछ।
टोलीका फिजियो प्याट्रिक फरहार्टलाई यसअघि पोजेटिभ देखिएपछि आइसोलेसनमा राखिएको थियो । प्याट्रिक संगसंगै अर्का एक खेलाडीलाई पनि संक्रमण देखिएपछि त्रास बढेको हो । नाम नखुलाईएका अर्का खेलाडीको एन्टिजेन टेस्टमा सकारात्मक परीक्षण आएपछि नतिजा पुष्टि गर्न थप पिसीआर परीक्षण गर्न दिइएको बताइएको छ।
क्यापिटल्सले बुधबार (अप्रिल २०) पुणेमा पञ्जाब किंग्ससँग खेल्ने तालिका छ । उनीहरुको आगामी कार्यदिशाबारे तत्काल बीसीसीआईसँग छलफल भइरहेको छ ।
देवराज चौलागाई
०१-५१४९१६०
इमेल:kantipath24@gmail.com
ठेगाना: का.म.न.पा-३२, काठमाडौँ