नेपाली कांग्रेसले ललितपुर महानगरपालिकाको मेयरमा चिरिबाबु महर्जनलाई नै उठाउने भएको छ । महर्जन ललितपुरका वर्तमान मेयर हुन् । कांग्रेस सभापति शेरबहादुर देउवाले सोमबार विहान महर्जनलाई टिकट पक्का गरेका हुन् ।
मेयरको उम्मेदवारका लागि महर्जनसँगै प्रेमकृष्ण महर्जन र चन्द्र महर्जनको नाम छलफलमा थियो । कांग्रेसले विराटनगर महानगरपालिकाको मेयरमा नागेश कोइरालालाई उम्मेदवार बनाउने निर्णय गरेको छ । कोइराला शेखर कोइराला निकट हुन् ।
विराटनगर महानगरपालिकामा हालका मेयर भीम पराजुलीलाई दोहो¥याउने कि कोइरालालाई मेयरको उम्मेदवार बनाउने भन्नेमा कांग्रेसमा विवाद थियो । कांग्रेसले काठमाडौँको टिकट प्रकाशमान सिंह पत्नी सिर्जना सिंहलाई दिएको छ ।
