अखिल (क्रान्तिकारी)का महासचिव दिपेश पुनले काठमाडौं महानगरका जनताले एमालेलाई पुनः मतदान गर्ने ठाउँ नरहेको दाबी गरेका छन ।
अखिल क्रान्तिकारी कान्तिपुर कलेज अफ इन्जिनियरिङद्वारा आयोजीत अन्तरbकलेज बास्केटबल प्रतियोगिता समापन कार्यक्रमलाई सम्बोधन गर्दै उनले विद्यासुन्दर शाक्यको कार्यकाल भोगेका काठमाडौं बासीहरुले फेरि एमालेलाई भोट नदिने दाबी गरेका हुन् ।
विद्यासुन्दरको अनुहार सम्झेर पनि केशव स्थापितलाई भोट हाल्न सकिन्न, उनले भने । जुनतारा झार्ने भाषण गरेर मेयर जितेका विद्यासुन्दरले सिन्को समेत नभाँचेर पाँच बर्ष बिताए ।
कार्यक्रमलाई अखिल क्रान्तिकारीका केन्द्रिय सचिव सञ्जय काल्धन, कोषाध्यक्ष भुषण शाही सहितले सम्बोधन गरेका थिए ।
प्रतियोगितामा KIC कलेज प्रथम , हिलसाइड इन्जिनियरिङ द्वतिय र हिमालयन ह्वाइटहाउसले तेस्रो स्थान प्राप्त गरेको अखिल क्रान्तिकारी पुर्वाञ्चल राष्ट्रिय कमिटी अध्यक्ष टोपेन्द्र खड्काले जानकारी दिए ।
