म्यानचेष्टर सिटीले प्रिमियर लिगमा शनिबार राति भएको खेलमा लिड्स युनाइटेडलाई ४-० ले पराजित गर्दै अंक तालिकामा शीर्ष स्थानमा फर्केको छ ।
शनिबार नै भएको अर्को खेलमा न्युकासललाई पराजित गर्दै लिभरपुल शीर्ष स्थानमा उक्लेको थियो । तर लिड्समाथि सहज जितपछि सिटीले शीर्ष स्थानमा फेरि लिभरपुलमाथि एक अंकको अग्रता बनाएको छ।
दुवै टिमको जितले उपाधि होड समेत रोमाञ्चक बनेको छ । ३४ खेलपछि सिटीको ८३ अंक छ भने लिभरपुल ८२ अंकसहित दोस्रो स्थानमा छ ।
लिड्सको मैदान एलान रोडमा भएको खेलमा सिटीका लागि रोड्रीले १३औं, नाथन एकेले ५४औं, गाब्रीएल जेससले ७८औं र फर्नान्डिन्होले इन्जुरी टाइमको तेस्रो मिनेटमा गोल गरेका थिए ।
देवराज चौलागाई
०१-५१४९१६०
इमेल:kantipath24@gmail.com
ठेगाना: का.म.न.पा-३२, काठमाडौँ