स्थानीय तह निर्वाचनमा मनोनयन दर्ता गराएका विभिन्न राजनीतिक दल तथा स्वतन्त्र उम्मेदवारहरुमध्ये ८ हजार ३३ जनाले मनोनयन फिर्ता लिएका छन् ।
निर्वाचन आयोगले प्रशोधन गरेको प्रारम्भिक तथ्यांक अनुसार, वडा अध्यक्षले सबैभन्दा बढी र नगरपालिकाको उपप्रमुख पदमा सबैभन्दा कमले उम्मेदवारी फिर्ता लिएका छन् ।
गाउँपालिका अध्यक्षमा मनोनित भएका मध्येबाट २८० ले उम्मेदवारी फिर्ता लिएका छन् भने गाउँपालिका उपाध्यक्षबाट २२५ जना पछि हटेका हुन् ।
त्यस्तै नगरपालिका प्रमुखमा उठेका २६८ जना, नगरपालिका उपप्रमुखक २०४ र वडाध्यक्षबाट सबैभन्दा बढी २८३७ ले मनोनयन फिर्ता लिएका छन् ।
त्यसै गरि दलित महिला सदस्यबाट ६७७, महिला सदस्यबाट ९७२ र वडा सदस्यबाट २५७० जना गरि जम्मा ८०३३ मनोनयन फिर्ता भएको निर्वाचन आयोगको प्रारम्भिक तथ्यांकमा उल्लेख गरिएको छ ।
