बुधबार, असार १५, २०७९

फिनल्याण्डले औपचारिक रुपमा नेटो सदस्यताको लागि आवेदन दिने


कान्तिपथ


फिनल्याण्डका राष्ट्रपति साउलि निनिस्तोले औपचारिक रुपमा नेटो सदस्यताको लागि आवेदन दिने बताएका छन् । यो कदमलाई भ्लादिमिर पुटिनले पहिले नै गल्तीको रूपमा वर्णन गरिसकेका छन् ।

फिनल्याण्डको अर्को छिमेकी देश स्वीडेन पनि नेटोको सैन्य गठबन्धनमा सामेल हुन नजिक पुगेको छ । रुसको सिमाना स्विडेन संग नजोडिएको भए पनि दुवै फिनल्याण्ड र स्विडेन रुसका छिमेकी राष्ट्र हुन् ।

फिनल्याण्डकी प्रधानमन्त्रीले आफ्नो देश नेटोमा सामेल हुन कुनै बाधा नपर्ने बताएकी छन् । “फिनल्याण्ड वा स्वीडेनको सदस्यताको लागि कुनै समस्या हुनेछ भनेर हामीले नेटोबाट कुनै संकेत पाएका छैनौं,” सान्ना मारिन भन्छिन्। “हामी पहिले नै धेरै अन्तरसम्बन्धित छौं र हामी नेटोका नजिकका साझेदार हौं,” उनले थपिन्।

यता जर्मनीका विदेशमन्त्री अनुसार नेटोमा स्वीडेन र फिनल्याण्ड सामेल हुने प्रक्रियालाई जर्मनीले तीव्रता दिरहेको छ ।

रुसको युक्रेन माथिको आक्रमण पश्चात स्वीडेन र फिनल्याण्डले असुरक्षित महसुस गरेको बताईएको छ । यस घटनाको बारेमा रुसले आपत्ति जनाउने निश्चित छ तर अहिले सम्म पुटिनको त्यस्तो केहि टिप्पणी भने आएको छैन ।

सूचना विभाग दर्ता नं. २७०८/०७७-७८

अध्यक्ष:

विमल ढुंगेल

प्रबन्ध निर्देशक:

देव चौलागाईं

सम्पादक:

जेविन सर्वहारा

मार्केटिङ्ग:

विनोद घिमिरे

लेखा:

विष्णु फुँयाल

आईटी:

प्रज्वल चौलागाईं

फोटो/भिडियोग्राफर :

रामकाजी बस्नेत

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत