यमनको विद्रोही नियन्त्रित राजधानीबाट करिब छ वर्षमा पहिलो पटक सोमबार व्यावसायिक उडान सञ्चालनमा आएको छ । यसलाई द्वन्द्वबाट शान्ति प्रक्रियामा प्रवेश गरेको दुर्लभ र महत्त्वपूर्ण कदमको रूपमा हेरिएको छ । विदेशमा उपचारका लागि अस्पतालका बिरामी र उनीहरूका आफन्तहरूसहित १२६ यात्रु बोकेको यमेनियाको विमान सानाबाट जोर्डनको राजधानी अम्मानका लागि बिहान ९ बजे (०६०० जीएमटी) मा उडेको एएफपी पत्रकारहरूले बताएका छन् । इरान समर्थित हुथी विद्रोहीसँग लडिरहेका साउदी नेतृत्वको सैन्य गठबन्धनले गरेको हवाई हमलाका कारण अगस्ट २०१६ देखि सानाको विमानस्थल व्यावसायिक यातायातका लागि बन्द गरिएको छ।
