चाँगुनारायण नगरपालिकाको नगरप्रमुखमा कांग्रेसका जीवन खत्री र उपप्रमुखमा एमालेका उम्मेदवार रमेश बुढाथोकी विजयी भएका छन् ।
खत्रीले निकटतम प्रतिद्वन्द्वी एमालेकी उम्मेदवार निवर्तमान उपप्रमुख बिना बास्तोलालाई ३ सय ९० मतान्तरले पराजित गरे । खत्रीले ९ हजार ५५० मत प्राप्त गरी विजयी भएका छन् भने बास्तोलाले ९ हजार १६० मत ल्याएकी छन् ।
उपप्रमुखमा विजयी बुढाथोकीले निकतम प्रतिद्वन्द्वी कांग्रेसकी उम्मेदवार सुभद्रा काफ्लेलाई २ हजार ३१ मतान्तरले पराजित गराउँदै ११ हजार १ सय ७ मत प्राप्त गरी विजयी भएका छन् । काफ्लेले ९ हजार ७६ मत ल्याएकी छन् । यसअघि मध्यपुरथिमी नगरपालिकाको प्रमुखमा कांग्रेसका सुरेन्द्र श्रेष्ठ र उप-प्रमुखमा माओवादी केन्द्रका विजयकृष्ण श्रेष्ठ विजय भैसकेका छन् । चाँगुनारायण र मध्यपुरथिमी अघिल्लो पटक एमालेले जितेको थियो।
