अभिनेता पूर्णविक्रम शाह ‘पल’ को मुद्दामा बिहीबार हुने भनिएको सुनुवाइ स्थगित भएको छ । एक नाबालिकालाई जबरजस्ती करणी गरेको मुद्दामा बिहीबार हुने भनिएको सुनुवाइ स्थागित भएको खबर बाहिर आएको हो। यो मुद्दामा सुनुवाइ अब अर्को हप्ता बिहीबार हुने बताइएको छ ।
शाहकै वकिल देवेन्द्रनाथ खनालले सुनुवाइ स्थगित गर्न माग गरेपछि अर्को हप्ताको लागि मिति सारिएको खुलेको हो । उक्त मुद्दा न्यायाधीशद्वय डिल्लीराम आचार्य र ऋषिराज भण्डारीको संयुक्त इजलासमा परेको थियो ।
नाबालिग बलात्कार गरेको अभियोगमा पल शाहलाई तनहुँ र गैंडाकोट अदालतबाट पुर्पक्षका लागि थुनामा गएका थिए । उक्त आदेशविरद्ध शाहले उच्च अदालत, पोखरामा निवेदन दिएका थिए ।
शाहका म्यानेजर कृष्ण जोशीलाई अदालतले धरौटीमा छाड्न दिएको आदेशविरुद्ध पनि सरकारी पक्षले उच्च अदालतमा निवेदन दिएको छ ।
