माओवादीका नेता विश्वनाथ साहको जिल्ला सिराहाको गोलबजार नगरपालिका प्रमुख उपप्रमुख दुबै पदमा नेकपा एमालेका उम्मेदवार विजयी भएका छन्।
एमालेका श्याम श्रेष्ठ माओवादी केन्द्रका उम्मेदबारलाई २ हजार २०७ मतान्तरले पछि पार्दै विजयी भएका हुन्। श्रेष्ठले ७ हजार ९०८ मत प्राप्त गरेका छन् भने माओवादीका देवनाथ साहले ५ हजार ७०१ मत पाएका छन्। साह गोलबजारको निवर्तमान प्रमुखसमेत हुन्। उनी माओवादी केन्द्रका नेता विश्वनाथ साहका दाजु हुन्।
कांग्रेसका राजदेव साह हलुवाइले ४ हजार ६५९ मत प्राप्त गरेका छन्। गोलबजारको उपमेयरमा पनि एमालेकै मान्ती साह विजयी भएकी छन्। उनले आफ्ना निकटतम प्रतिस्पर्धी माओवादीकी रेशमकुमारी थापालाई २ हजार ६० मतान्तरले पराजित गरेकी हुन्।
साहले ७ हजार ७०३ मत पाउँदा थापाले ५ हजार ६४३ मत प्राप्त गरेकी छन्। मत परिणाममा तस्रो भएकीकांग्रेसकी शान्ती सदायले ४ हजार ९६५ मत प्राप्त गरिन्।
०७४ सालका स्थानीय तह निर्वाचनमा सिरहा जिल्लामा माओवादी ६ वटा स्थानीय तहको प्रमुखमा विजयी भएको थियो। यस वर्ष माओवादीले मिर्चैया नगरपालिकाबाहेक जिल्लाका सबै स्थानीय तहमा पराजय बेहोरेको छ।
