नेपाली कांग्रेस दोलखाका पूर्व सभापति एवं ज्येष्ठ राजनीतिज्ञ सभाका सदस्य ७५ वर्षीय माधवमणि राजभण्डारीको बिहीबार काठमाडौंको ह्याम्स अस्पतालमा उपचारका क्रममा निधन भएको छ ।
स्वर्गीय राजभण्डारी पार्टीको १० औं महाधिवेशन—२०५७ मा दोलखा जिल्लाको सभापति थिए । लामो समयदेखि नेपाली कांग्रेसको संगठन निर्माण र नेपालको लोकतान्त्रिक आन्दोलनहरुमा सक्रिय भूमिका निर्वाह गरेका स्वर्गीय राजभण्डारी २०५१ को मध्यावधि निर्वाचनमा पार्टीको तर्फबाट दोलखा जिल्ला निर्वाचन क्षेत्र नं २ को उम्मेदवार थिए ।
लोकतान्त्रिक आन्दोलनका क्रममा पटक–पटक हिरासतसमेत व्यहोरेका राजभण्डारीको निधनबाट पार्टीले एक अग्रज र अनुभवी व्यक्तित्वलाई गुमाएको भन्दै नेपाली कांग्रेसका सभापति एवं प्रधानमन्त्री शेरबहादुर देउवाले गहिरो दुःख व्यक्त गरेका छन् ।
