प्रहरीको बढुवा अब जथाभावी नहुने प्रहरी महानिरीक्षक आईजीपी धिरजप्रताप सिंहले बताएका छन् । बिहीवार पत्रकारसँगको भेटघाटमा आईजीपी सिंहले अब हुने बढुवा ब्याज मेरिटको आधारमा हुने बताएका छन् ।
विगतका दिनमा पहुँचका आधारमा बढुवा हुने गरेकोमा त्यसलाई चिर्नका लागि कसैलाई अन्याय नहुने गरी बढुवा प्रक्रिया अगाडि बढाउने उनले बताए । प्रहरीमा राजनीतिक पहुँचका आधारमा सरुवा–बढुवा हुने गरेको छ ।
हालै सम्पन्न स्थानीय तह निर्वाचनको समयमा गल्ती गरेका प्रहरी अधिकारीलाई कारवाहीको दायरमा ल्याएको आईजीपी सिंहले बताए । स्थानीय तह निर्वाचनका केही छिटफुट घटनाबाहेक अरु सौहार्दरूपमा सम्पन्न भएका आईजीपी सिंहले दाबी गरे ।
