नेपाली सेनामा बढुवा भएका तीन जना उपरथीहरु होमनाथ दवाडी, दीपककुमार बानियाँ र यामप्रसाद ढकाललाई दर्ज्यानी चिन्ह प्रदान गरिएको छ ।
उनीहरुलाई बुधबार सैनिक मूख्यालयमा आयोजित एक कार्यक्रममा प्रधानसेनापति प्रभुराम शर्माले उपरथीको दर्ज्यानी चिन्ह प्रदान गरेका हुन् । उनीहरु तीनै जनालाई मन्त्रीपरिषद्को जेठ २३ को बैंठकले सहायक रथीबाट उपरथीमा बढुवा गर्ने निर्णय गरेको थियो ।
बढुवा भएका उपरथी दवाडी निरीक्षणाधिकृत विभागका विभायीय प्रमुख, उपरथी बानियाँ नेपाली सैनिक वार कलेजका शिक्षाध्यक्ष र उपरथी ढकाल युद्ध–मद्दती तथा युद्ध–सेवा मद्दती विभागका विभागीय प्रमुखमा नियुक्ति भएको सेनाले जनाएको छ ।
