दरबारमार्गको प्लाटिनम डिस्कोमा ‘काभ्रेली समूह’ नामक गुण्डा समूहले एकजना युवकलाई आक्रमण गरेका छन् । शुक्रवार बिहान साढे ३ बजेतिर बालुवाटार बस्ने प्रतिष भास्कर सिंह काभ्रेली समूहको आक्रमणमा परेका हुन् ।
सिंहको परिवारले प्रहरी वृत्त दरबारमार्गमा जाहेरी दिएका छन् । आक्रमणमा काभ्रेको नमोबुद्ध नगरपालिका घर भएका सञ्जय लामा, कुलध्वज लामा र डलर लामा लगायत संलग्न रहेको बताइएको छ । ६–७ जनाको समूहले आक्रमण गर्दा घाइते सिंहको टाउकोमा ७ टाँका लगाइएको छ ।
