नेकपा (माओवादी केन्द्र)निकट विद्यार्थी संगठन अखिल (क्रान्तिकारी)को बैठकमा विवाद भएको छ। आइतबारदेखि काठमाडौँमा सुरु भएको अखिल (क्रान्तिकारी)को तेस्रो विस्तारित बैठकमा दुई समूहबीच विवाद हुँदा हात हालाहाल भएको छ।
तीनकुनेस्थित रोयल व्यांक्वेटमा बैठक सुरु हुनुअघि नै दुई समूहबीच विवाद भएको हो। कार्यक्रममा माओवादी केन्द्रका अध्यक्ष पुष्पकमल दाहाल ‘प्रचण्ड’ पनि उपस्थित हुने पूर्वनिर्धारित कार्यक्रम थियो। बैठकमा असन्तुष्ट पक्षले विवाद झिक्ने थाहा पाएपछि प्रचण्ड नगएको बुझिएको छ।
