गत वर्षको असार १५ मा दोहोरी गायक छत्र शाहीसँग हिलोमा डुबुल्की मारेर भाइरल बनिन् रेस्लर अस्मिता जुरेली । यसपालिको रोपाइँमा पनि उनीमाथि फेरि त्यस्तै घटना भएको छ। युवा संघले आयोजना गरेको रोपाइँ कार्यक्रममा भाग लिन उनी भैंसेपाटी पुगेकी थिइन् ।
उक्त कार्यक्रममा एमालेका महासचिव शंकर पोखरेल प्रमुख अतिथि थिए भने युवा नेता महेश बस्नेतको पनि सहभागिता थियो । ती व्यक्तिले आफूलाई गलत नियतका साथ हातपात गरेको अस्मिताको आरोप छ ।
सार्वजनिक भएको एक भिडियोमा एक बलिष्ठ पुरुषसँग अस्मिताले टकराब गरिरहेको देखिन्छ । उनीहरुबीच घम्साघम्सी परेपछि युवासंघका अन्य व्यक्तिहरू आएर छुट्याएका थिए ।
केही समयअघि सन्ध्या तिवारीको अध्यक्षतामा ‘नेकपा एमाले’ नाममा दर्ता गरिएको पार्टीकी उनी सचिव थिइन् । युवासंघले आयोजना गरेको रोपाइँ कार्यक्रममा भाग लिन भैंसेपाटी पुगेकी जुरेलीलाई आयोजक मध्येकै एक युवाले दुर्ब्यवहार गरेका हुन्।
