काठमाडौं महानगरपालिकाले र्याप गायक यमबुद्धको सालिक निर्माण गर्न बजेट छुट्याउने भएको छ । महानगरपालिका स्रोतका अनुसार आगामी आर्थिक वर्षको बजेटमा करिब १५ लाख रुपैयाँ यमबुद्धको सालिक निर्माणका लागि विनियोजन भएको छ । महानगरका मेयर बालेन साहको सचिवालयका अनुसार ‘हिपहप र नेपहप’ गायनको क्षेत्रमा गरेको योगदानको कदर गर्दै सालिक निर्माण गर्न लागिएको जनाएको छ ।
मेयर बालेनका स्वकीय सचिव भुपदेव शाहले र्यापर यमबुद्धले नेपालको हिपहप गायनलाई अन्तरास्ट्रिय स्तरमा परिचित बनाउन योगदान दिएकोले उनको सम्मान स्वरूप सालिक बनाउने बताएका छन् । तर हाल सम्म सालिक कहाँ स्थापना गर्ने भन्ने स्थान तय भइनसकेको बुझिएको छ ।
