आइतवार, अशोज ९, २०७९
  • गृहपृष्‍ठ
  • सुरक्षा
  • संगठनका सदाबहार फर्स्ट म्यान: गुण्डा त्राहिमाम, समावेशितामा प्रतिबद्ध !

संगठनका सदाबहार फर्स्ट म्यान: गुण्डा त्राहिमाम, समावेशितामा प्रतिबद्ध !


कान्तिपथ


सरकारले धिरज प्रताप सिंहलाई २९ औं प्रहरी महानिरीक्षक (आईजीपी) मा नियुक्त गरेको छ । दैलेखको विजौरामा २०२४ सालमा जन्मिएका सिंहले कानूनमा स्नातक र मानविकीमा स्नातकोत्तर तहको अध्ययन गरेका छन् । दैलेखबाट उनको परिवार बाँकेको नेपालगञ्जमा बसाईं सरेको थियो । धिरजको बाल्यकाल नेपालगञ्जमा बित्यो । स्थानीय नारायण माध्यमिक विद्यालयबाट प्रारम्भिक शिक्षा लिएका सिंह फुटबल खेलमा समेत अग्रपंक्तिमा थिए ।

प्रहरी अधिकृतका अब्बल एबं कुशल नेतृत्त्वदायी सिंहले २०५८ मा उनले गोरखा दक्षिणबाहु पाएका थिए । सिंहले प्रवल जनसेवाश्री चतुर्थ र सुप्रवल जनसेवाश्री तृतीय पदक पाएका छन् ।

सिंह २०४९ चैत ११ मा इन्स्पेक्टरमा भर्ना भएका हुन् । डिएसपी हुँदा उनले गोरखा, नुवाकोट र दोलखा जिल्ला कमाण्ड गरेका थिए । प्रहरी उपरीक्षक एसपी भएपछि पर्सा र दाङ जिल्लाको कमाण्ड गरे । उनीसँग लागुऔषध नियन्त्रण ब्यूरोमा दुई वर्ष काम गरेको अनुभव छ । प्रहरी वरिष्ठ उपरीक्षक (एसएसपी) मा उनले संघीय प्रहरी इकाई कार्यालय बागमती र काठमाडौं उपत्यका अपराध अनुसन्धान कार्यालयको कमाण्ड गरेका थिए । डिआईजीमा मधेश प्रदेश र केन्द्रीय अनुसन्धान ब्यूरो कमाण्ड गरेका सिंह २०७८ चैत १७ मा एआईजीमा बढुवा भएका थिए ।

नम्बर एकमा रहेर इन्स्पेक्टर बनेका सिंह एसपी बन्दासम्म एक नम्बर मै रहे, राजनीतिक स्वार्थको कारण उनको गति रोक्न खोजिए पनि उनी एआईजीबाट आईजीपी बन्दा पनि एक नम्बर मै रहन सफल भए ।

२०४९ साल चैत्र ११ गते प्रहरी निरीक्षक बनेका सिंह कार्य कुशलताका हिसावले अब्बल र काबिल प्रहरी अधिकृत हुन । उनले हरेक पदमा रहँदा आफनो कार्यकुशलताद्वारा आफुलाई प्रमाणित गरेका छन् । एसएसपी हुँदा प्रहरीको मनोवल खस्किएको समयमा उनले प्रहरीको अपराध महाशाखाको कमाण्ड सम्हालेका थिए । महाशाखामा कार्यरत धेरै प्रहरीको मनोबल घटेको बेलामा उनीहरुको मनोबल उच्च राख्दै काम गराउनु सिंहको पहिलो चुनौती थियो। अपराध महाशाखामा काम गर्न चुनौती रहेको समयमा ३३ किलो सुन प्रकरणमा दिवेश लोहनीसहित अन्य दुई प्रहरी निलम्बन परे ।

धिरज प्रताप सिंहले तत्कालीन अपराध महाशाखा हाल काठमाडौं उपत्यका अपराध अनुसन्धान कार्यालयको कमाण्ड गरेका थिए । विस २०७५ साउन २१ मा ११ वर्षीय बालक निशान खड्काको अपहरणपछि हत्यामा संलग्न अजय तामाङ र गोपाल तामाङ प्रहरी इन्काउन्टरमा मारिएका थिए । त्यतिवेला धिरज सिंह महाशाखाको प्रमुख थिए ।

डीआईजी भएर सिंहले मधेश प्रदेश कार्यालय र केन्द्रीय अुनसन्धान व्यूरोको कमाण्ड गरेका छन् । गत चैतमा धिरजप्रताप सिंह र रवीन्द्र धानुक बढुवा भएका थिए। घैंटे इन्काउण्टर पछि शान्त रहेका गुण्डा सलबलाउन थालेका अपराधिक गुण्डागर्दी एबं उपत्यकामा बढ्दो अपराधलाई नियन्त्रणमा ल्याउन ठुलै चुनौती थियो।

त्यसमाथि राजनीतिक आवरणमा गरिने अपराध झन भयावह थियो। उक्त समयमा निर्माण व्यवसायी महासंघका अध्यक्ष शरद कुमार गौचनमाथि दिनदहाडै गोलि हानि हत्या गरिएको थियो। जुन घटनाले व्यवसायी र सर्वसाधारण त्रसित थिए। त्यस्तो समयमा महाशाखालाई पुरानै पोजिसनमा उभ्याउन सिंहको ठुलो भूमिका रहेको थियो ।

सिंह महाशाखामा रहँदा प्रहरीले ४ इन्काउण्टर गर्यो। जसमा २ जना घाइते भए भने २ जना प्रहरी सँगको मुठभेट मारिए। ०७५ जेष्ठ २८ गते विभिन्न अपराधिक क्रियाकलापमा संलग्न अशोक लामामाथि प्रहरीले गोली प्रहार गरी नियन्त्रणमा लियो । लामाले ललितपुरका घरजग्गा ब्यावसायीलाई धम्काउने, क्रसर उद्योगबाट चन्दा उठाउने गरेका थिए ।

२०७५ असार ७ गते लुटपाटमा संलग्न खुडे भनिने सिन्धुपाल्चोक, बाह्रबीसेका अमरबहादुर तामाङलाई नियन्त्रणमा लिन प्रहरीले गोली चलायो। अमरले ०७५ जेठ २४ गते भक्तपुरमा ताप्लेजुङका बिरेन तामाङलाई डलर साटिदिन्छु भनी बोलाएर १९ लाख ६० हजार लुटेका थिए ।

०७५ साउन २० गते सिन्धुपाल्चोक मेलम्ची नपा–९ ज्यामिरे घर भई काठमाण्डौ –३२ काँडाघारी बस्ने चमेली खड्काको छोरा वर्ष ११ को निशान खड्कालाई अपहरण गरी हत्या गर्ने नुवाकोट घर भएका गोपाल तामाङ र सिन्धुपाल्चोक कर्थली घर भएका अजय तामाङसँग प्रहरीको मुडभेड भयो। ०७५ साउन २१ गते भक्तपुर सुर्यविनायक–८ पाईलट बाबाको आश्रम जाने बाटोको जंगलमा भएको उक्त मुडभेडमा उनीहरुको मृत्यु भयो।

०७५ मंसिर २१ गते कालोपुलमा बिभिन्न डाँका, लुटपाटका घटनामा संलग्न रही फरार रहेका सुनसरीको ईटहरी–५ घर भई काठमाण्डौ– २९, अनामनगर बस्ने ४६ वर्षिय राजन लिम्बूलाई नियन्त्रणमा लिने क्रममा प्रहरीले गोली चलायो। लिम्बु घाईते भए। सिंहले अपराध अनुसन्धानमा रचनात्मक कार्य गरि उत्कृष्ट कार्य सम्पादन गरेको बृहत रेकर्ड छन् ।

३० वर्षे सेवा अवधि कायमै रहे उनले अब एक वर्ष प्रहरी संगठन चलाउनेछन् । आईजीपीमा नियुक्त सिंहले २०७९ वैशाख ३० को स्थानीय तहको निर्वाचन शान्तिपूर्ण रुपमा सम्पन्न गरेका छन्, उनको काँधमा अब संघ र प्रदेशको चुनाव गर्ने चुनौती आएको छ ।

समावेशीताको सिद्धान्तमा पूर्ण अडिग आईजीपी सिंहले नेपाली प्रहरीको इतिहासमा नै पहिलोपल्ट ४ जना महिला डिआईजी बनेका छन् । ४ जना महिला प्रहरी अधिकृत एकैसाथ माथिल्लो (डिआईजी) पदमा बढुवा भएको पहिलोपटक हो । १७ जनाको सूचीमा डिआईजीमा बढुवा हुने महिला प्रहरी अधिकृतहरुमा किरण बज्रचार्य, मिरा चौधरी, दुर्गा सिंह र किरण राणा रहेका छन् ।

करिब २७ वर्षअघिको नेपाली समाजमा महिला प्रहरीको संख्या उल्लेख्य थिएन । त्यो बेला अर्थात २०५१ सालमा उनीहरु एकसाथ प्रहरी निरीक्षक (इन्स्पेक्टर)को रुपमा संगठनमा प्रवेश गरेका थिए ।

हालका प्रहरी महानिरीक्षक (आईजी) धीरज प्रताप सिंहपछि यही ब्याचबाट प्रहरी महानिरीक्षक बन्नेछ । अहिले बढुवा भएका चार जनाबाट एकजना महानिरीक्षक बने नेपाल प्रहरीमा इतिहास बन्नेछ ।

उच्च ओहोदामा यसरी एकैसाथ चारजना महिला पुग्नुलाई कतिपयले नेपाल प्रहरीमा नयाँ इतिहास बनेको रूपमा व्याख्या गरेका छन् । धेरैले यसलाई राम्रो अवसरको रुपमा लिएका छन् ।

प्रहरी संगठनको उच्च ओहोदामा महिला प्रहरी अधिकृतहरु पुग्नुले आम युवतीलाई प्रहरी पेसातर्फ आकर्षित गर्नसक्ने सन्देश सिंहले दिएका छन् । यस पेसामा अवसर छ, पहिचान छ, महिलाहरूलाई पनि सम्मानजनक ठाउँ छ भन्ने सन्देश प्रवाह भएको छ । Photo: Surakshyakhabar

सूचना विभाग दर्ता नं. २७०८/०७७-७८

अध्यक्ष:

विमल ढुंगेल

प्रबन्ध निर्देशक:

देव चौलागाईं

सम्पादक:

जेविन सर्वहारा

मार्केटिङ्ग:

विनोद घिमिरे

लेखा:

विष्णु फुँयाल

आईटी:

प्रज्वल चौलागाईं

फोटो/भिडियोग्राफर :

रामकाजी बस्नेत

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत