आइतवार, अशोज ९, २०७९

समाजवादीको माओवादीसँग एकता हुँदै : एकता संयोजन समिति बन्दै


कान्तिपथ


नेकपा एकीकृत समाजवादी पार्टीले नेकपा माओवादी केन्द्रसँग पार्टी एकता गर्नेगरी बनाउन लागिएको एकता संयोजन समितिबारे छलफल गर्ने जिम्मा अध्यक्ष माधवकुमार नेपाललाई दिएको छ।

बुधबार (१ भदौ) मा बसेको पदाधिकारी बैठकले माओवादी अध्यक्ष प्रचण्डको एकता संयोजन समिति बनाउने प्रस्ताव स्वीकार गरेको हो। त्यसबारे छलफल गर्ने जिम्मा अध्यक्ष नेपाललाई दिइएको प्रवक्तासमेत रहेका उपमहासचिव जगन्नाथ खतिवडाले जानकारी दिए।

‘एकता संयोजन समितिका लागि पार्टी अध्यक्षले कुरा गर्नुहुनेछ,’ खतिवडाले भने, ‘बैठकले अनुमति दिएको छ।’ बैठकले प्रतिनिधि सभाको सिट वाँडफाँट गर्दा अहिले पाँच दलले पाएकै सिटलाई आधार मानेर एमालेले जितेका प्रत्यक्षतर्फका ८१ सिटको भागवण्डा गरेर जानुपर्ने प्रस्ताव अघि बढाउन सुझाव दिएको छ।

पदाधिकारी बैठकले प्रतिनिधि र प्रदेश सभा निर्वाचनको लागि उम्मेदवार बन्ने मापदण्ड तय गरेको छ। यस्तै एकीकृत समाजवादीले भदौ ९ गते पार्टीको स्थापना दिवस मनाउने उनले बताए।

सूचना विभाग दर्ता नं. २७०८/०७७-७८

अध्यक्ष:

विमल ढुंगेल

प्रबन्ध निर्देशक:

देव चौलागाईं

सम्पादक:

जेविन सर्वहारा

मार्केटिङ्ग:

विनोद घिमिरे

लेखा:

विष्णु फुँयाल

आईटी:

प्रज्वल चौलागाईं

फोटो/भिडियोग्राफर :

रामकाजी बस्नेत

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत