गुल्मी–१ मा नेपाली कांग्रेसका नेता चन्द्र भण्डारी १६३५ मतान्तरले विजयी भएका छन् । उनीसँग नेकपा एमालेका उपमहासचिव प्रदीप ज्ञवालीले चुनाव हारेका छन् ।
यसअघि २०७४ सालको निर्वाचनमा भण्डारी ज्ञवालीसँग पराजित भएका थिए । निर्वाचन आयोगले अन्तिम मतपरिणाम घोषणा भने गरिसकेको छैन ।
यद्यपि ज्ञवालीले भने सामाजिक सञ्जालमार्फत हार स्वीकार गरेका छन् । मत गणनास्थल मै रहेका कांग्रेस नेता माधव न्यौपानेका अनुसार चन्द्र भण्डारीको ३३३५८ र प्रदिप ज्ञवालीको ३१७२३ मत रहेको छ ।
