सोलुखुम्बु । प्रत्यक्षमा कुनै सिट नजितेको नेपाली काङ्ग्रेस सोलुखुम्बुबाट डोल्मा तामाङ प्रदेशसभाको समानुपातिक सांसदमा चयन हुनुभएको छ ।
काङ्ग्रेस नेतृ तामाङलाई काङ्ग्रेसले प्रदेश १ को समानुपातिक सांसदका लागि सिफारिस गरेपछि सोलुखुम्बुले एक जना प्रदेश सांसद पाएको हो । उहाँ आदिवासी जनजातितर्फको महिला कोटाबाट सिफारिसमा पर्नुभएको काङ्ग्रेसले जनाएको छ ।
२०७४ सालको निर्वाचनमा समेत शून्य रहेको नेपाली काङ्ग्रेस सोलुखुम्बुले यस पटक एक जना सांसद पाएको हो । नेतृ तामाङ नेपाल महिला सङ्घको केन्द्रीय सदस्य, नेपाली कांग्रेस केन्द्रीय नीति अनुसन्धान तथा प्रशिक्षण प्रतिष्ठानका सदस्य समेत हुनुहुन्छ ।
