धनगढी । सुदूरपश्चिम प्रदेशसभाको बैठक शुरु भएको छ ।
प्रदेशसभा बैठकमा मुख्यमन्त्री कमलबहादुर शाहले विश्वासको मतका लागि प्रस्ताव प्रस्तुत गर्नुभयो ।
बैठकमा भाग लिँदै नेकपा माओवादी केन्द्र संसदीय दलका नेता खगराज भट्टले संविधान र लोकतन्त्रको रक्षाका लागि मुख्यमन्त्री कमलबहादुर शाहलाई माओवादी विश्वासको मत दिने बताउनुभयो ।
यसैगरी बैठकमा नागरिक उन्मुक्तिका लक्ष्मण किशोर चौधरीले मुख्यमन्त्रीले प्रस्ताव गर्नुभएको पक्षमा मतदान गर्ने बताउनुभयो ।
नेकपा एमालेका चक्र मल्लले यथास्थितिमा एमालेले प्रदेश सरकारलाई विश्वासको मत दिन नसक्ने बताउनुभयो । त्यस्तै, नेकपा एस संसदीय दलका नेता दीर्घ सोडारीले मुख्यमन्त्रीलाई विश्वास मत दिने बताउनुभयो ।
प्रदेशसभामा बैठक अहिले जारी छ ।
