राष्ट्रपति चयनका लागि भएको निर्वाचनको मतगणना सुरु भएको छ । अन्तर्राष्ट्रिय सम्मेलन केन्द्रको अन्नपूर्ण स्काई लाइट हलमा मतगणना सुरु भएको हो ।
कुल ८८२ मतदाता रहेकोमा ८३१ मत खसेको निर्वाचन अधिकृतको कार्यालयले जनाएको छ । राष्ट्रपति निर्वाचनमा एमालेबाट सुवासचन्द्र नेम्वाङ र आठदलीय गठबन्धनबाट रामचन्द्र पौडेल उम्मेदवार छन्। मतगणनाको परिणाम ढिलोमा आजै साँझ ७ बजेभित्र घोषणा गर्ने आयोगको तयारी छ।
