नवनिर्वाचित राष्ट्रपति रामचन्द्र पौडेललाई तन्नेरी बन्ने जाँगर चलेको देखिएको छ । कामु प्रधानन्यायाधिशसंग सपथ ग्रहण गरेसँगै राष्ट्रपति कार्यालयको वेबसाइटमा राखिएको उनको फोटोमा भएको कोठी र चाउरी हटाएर तन्नेरी तस्बिर राखिएको छ। यो तस्वीरमा पौडेलको रुपरंगको छेउ टुप्पो नै मिल्दैन ।
अनुहारको कोठी र चाउरीसमेत हटाएर चिल्लो अनुहारको तस्वीर राखिएपछि धेरैले देशले युवा राष्ट्रपति पाएको भन्दै व्यंग्य कस्न थालेका छन्।
पौडेलका दुवै गालामा कालो कोठी छन्, जसमध्ये एउटा गालाको कोठी टाढैबाट देखिन्छ । यो तस्वीरमा दुवै कोठी गायब छन् । यसलाई इडिट गरिएको सहजै अनुमान गर्न सकिन्छ यद्धपी राष्ट्रपति कार्यालय भने यो विषयमा बोलेको छैन ।
