बागमतीका मुख्यमन्त्री शालिकराम जम्मकटेलाई कांग्रेसले विश्वासको मत दिने भएको छ । बुधबार बसेको कांग्रेस बागमती प्रदेश संसदीय दलको बैठकले विश्वासको मत दिने निर्णय गरेको हो ।
मुख्यमन्त्री कट्टेलले बुधबार प्रदेशसभाबाट विश्वासको मत लिने तयारी गरेका थिए । तर, कांग्रेस सांसदहरू बुधबार प्रदेशसभामा उपस्थित नहुने देखिएपछि विश्वासको मत लिने मिति सर्ने भएको छ । १० गते विश्वासको मत लिने तय भएको नेपाली कांग्रेस बागमती प्रदेशका मुख्य सचेतक कुन्दनराज काफ्लेले जानकारी दिए ।
मंगलबार हेटौैँडा हिँडेका कांग्रेसका सांसद कुलेखानीबाटै काठमाडौं फर्किएका थिए। कांग्रेसले १० गते विश्वासको मत दिने बताए पनि मुख्यमन्त्री जम्मकटेलले भने अहिलेसम्म विश्वासको मत लिने मिति सारी सकेका छैनन् ।
