भारतका विपक्षी नेता कांग्रेसका पूर्व अध्यक्ष राहुल गान्धीको सांसद पद रद्द गरिएको छ । अदालतले उनलाई दुई वर्षको जेल सजाय सुनाएको भोलिपल्ट शुक्रबार भारतीय संसद सचिवालयले उनको पद रद्द गरेको हो । उनी भारतको केरला राज्यको वायनाडबाट लोकसभा सदस्य निर्वाचित भएका थिए ।
भारतीय जनप्रतिनिधि कानुनअनुसार दुई वर्षको सजाय भए उसको पद रद्द हुन्छ । गान्धीलाई सुरतको अदालतले दुई वर्षको जेल सजाय सुनाएकाले उनको पद गएको भारतीय सञ्चारमाध्यमहरूले जनाएका छन् । उनी यस कानुनअनुसार अब ६ वर्ष चुनाव पनि लड्न पाउँदैनन् ।
यद्यपि संसद सचिवलायलेको यो निर्णय र अदालतको फैसलाविरुद्ध पुनरावेदन गर्न सक्नेछन् । २०१९ को चुनावको समयमा गान्धीले ‘सबै चोरको सरनेम मोदी किन हुन्छ’ भन्दै भाषण गरेका थिए । सोही विषयमा अदालतले उनलाई २ वर्षको जेल सजाय सुनाएको हो ।
