जीवन तामांग, कान्तिपथ संवाददाता
आज साँझ करीब ४:३० बजे बालकोट, सुर्यबिनायक स्थित अपार पोल्ट्रीफार्ममा आगलागी भएको छ। बिद्युत सर्टसर्किट भएर भएको उक्त आगलागीको कारण पोल्ट्रीफार्म पूर्ण रूपमा क्षति भएको छ ।
काभ्रेपलान्चोक स्थायी घर भई हाल बालकोट – २ मा पोल्ट्री उद्योग सञ्चालन गरिरहनु भएकी मीना लामाको अनुसार आगलागी भए पछि स्थानीयहरुको सहयोगमा आगलागी नियन्त्रण गर्न सफल भएको बताउनु भएको छ । स्थानीय प्रशासनलाई आगलागी बारे समय मै जानकारी गराईएको र प्रहरी र करीब १५०-२०० स्थानीय बासिन्दाहरुको सहयोगमा आगो निभाईएको हो । स्थानीयका अनुसार आगलागी नियन्त्रणमा भईसके पछि मात्रै दमकल घटनास्थलमा पुगेको थियो । सो आगलागीका कारण अनुमानित ३ देखि ४ लाखको क्षति भएको पोल्ट्री संचालक मीना लामा बताउनु हुन्छ ।
जीवन तामांग, कान्तिपथ संवाददाता
