देशको संघीय राजधानी काठमाडौँ विश्वका प्रदुषित सहरको पहिलो स्थानमा परेको छ। एअर क्वालिटी इन्डेक्स (एक्युआइ)को मापन अनुसार काठमाडौँ सहर विश्वको प्रदुषित सहरको पहिलो स्थानमा परेको हो।
एक्युआइका अनुसार काठमाडौँको एयर भिजुअल सूचक आइक्यू १९६ रहेको छ। एअर भिजुअल सूचक १५१ देखि ३०० बीचमा रहनु अस्वस्थकर मानिन्छ।
यसैगरी, थाइल्यान्डको चियाङ मेइ दाेस्रो, बंगलादेशको ढाका तेस्रो, भारतको दिल्ली चौथो, भारतकै कलकता पाँचौँ र छैटौँ नम्बरमा पाकिस्तानको लाहोर सहर रहेको छ।
