काभ्रेपलाञ्चोक । नेपाली कांग्रेस काभ्रेले वैशाख ३० गते जिल्ला सम्मेलन गर्ने भएको छ ।
शनिवार बसेको नेपाली कांग्रेस जिल्ला कार्यसमितिको बैठकले ३० गते सम्मेलन गर्ने निर्णय गरेको जिल्ला कार्यसमितिका सचिव माधव ढकालले जानकारी दिनुभयो ।
सम्मेलनमा १ सय ३५ वटै वडाबाट निर्वाचित क्षेत्रीय प्रतिनिधि सहभागी हुनेछन् ।
बैठकले वडा र स्थानीय तहको सम्मेलन तत्काल सम्पन्न गर्न पनि सबै स्थानीय तह र वडा कार्यसमितिलाई निर्देशन दिएको छ ।
चैत्र २ गते सम्पन्न नेपाली कांग्रेस काभ्रेको बैठकले चैत्र मसान्त भित्र सबै वडाको सम्मेलन सकेर गाउँपालिका र नगरपालिका कार्यसमितिको सम्मेलन सक्न निर्देशन दिएको थियो ।
