बिहिबार, फाल्गुन १०, २०८०

पार्टीलाई थप सुधारको आवश्यकता देखिएको छ : सभापति देउवा


कान्तिपथ


काठमाडौँ । नेपाली काँग्रेसका सभापति शेरबहादुर देउवाले पार्टीलाई थप सुधारको आवश्यकता देखिएको बताउनुभएको छ ।

बानेश्वरस्थित सङ्घीय संसद् भवनमा आज बसेको कांग्रेस संसदीय दलको बैठकमा पार्टी सभापति देउवाले उपनिर्वाचनमा ठूला राजनीतिक दलप्रति जनताले चासो नदेखाएको भन्दै पार्टीलाई सुधारेर जानुपर्ने आवश्यकता औँल्याएको सांसद रामहरि खतिवडाले बताउनुभयो । 

सभापति देउवाले अहिले मुलुकको आर्थिक अवस्था सन्तोषजनक नभएकाले बजेट ल्याउँदा जनतासँग जोडिने खालका कार्यक्रम ल्याउनुपर्ने धारणा राख्नुभएको पनि सांसद खतिवडाले जानकारी दिनुभयो ।

बैठकमा सांसदहरूले आगामी बजेटमा जनताका माग सम्बोधन गर्ने विषयका साथै पुराना आयोजना सम्पन्न गर्ने र नयाँ आयोजना ल्याउने कुरामा विशेष जोड दिनुभएको बताइएको छ ।

आज सांसदले बोल्ने क्रम नसकिएकाले भोलि पुनः बैठक बस्ने सांसद खतिवडाले जानकारी दिनुभयो ।



सूचना विभाग दर्ता नं. २७०८/०७७-७८

प्रबन्ध निर्देशक:

देवराज चौलागाई

सम्पादक:

जेविन सर्वहारा

लेखा:

विष्णु फुँयाल

आईटी:

प्रज्वल चौलागाईं

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत