आज बिहान टियु क्रिकेट मैदानमा टस हारेर पहिला ब्याटिङको निम्तो पाएको युएई २७.३ ओभरमा ९ विकेट गुमाउदै १ सय ६ रन बनाएको अवस्थामा वर्षाको कारण खेल रोकिएको थियो । लगातार वर्षा भएपछि आजलाई खेल स्थगित भएको हो । अब भोलि बिहान युएईले ९ बजे १०६–९ को अवस्थाबाट खेल सुरु गर्नेछ । मंगलबार नतिजा आउन नसकेमा खेलमा सुपर ओभरबाट नतिजा निकाल्नु पर्ने हुन्छ ।
यदि वर्षाको कारण सुपर ओभर पनि हुन सकेन भने नेपाल एसिया कपमा पुग्नेछ ।
ओडिआई वरियताको कारण नेपाल एसिया कपमा पुग्नेछ । नेपाल ओडिआई वरियाता १४ औं र युएई १९ औं स्थानमा छन् ।
