काठमाडौं जिल्ला अदालतले गुण्डा नाइके समिरमान सिंह बस्नेतलाई जन्मकैदको फैसला सुनाएको छ । काठमाडौं जिल्ला अदालतका न्यायाधीश केशवप्रसाद घिमिरेको इजलासले बस्नेतसहित अम्बरबहादुर रानालाई जन्मकैदको फैसला सुनाएको हो ।
२०७४ असोज २३ गते नेपाल निर्माण व्यवसायी महासंघका अध्यक्ष शरद कुमार गौचनमाथि शान्तिनगरमा गोली प्रहार गरी हत्या गरिएको थियो ।
नेपाल निर्माण व्यवसायी महासंघका अध्यक्ष गौचन हत्या अभियोमाग पक्राउ परेका बस्नेत र रानालाई जन्मकैदको सजाय भएको हो ।
त्यस्तै सोही अभियोगमा पक्राउ परेका लोप्साङ लामा भन्ने सोम तामाङलाई १५ वर्ष, समिरमानकी श्रीमती माया शेरचनलाई १० वर्ष कैद र ६० हजार रुपैयाँ जरिवानाको फैसला भएको हो ।
