सरकार विभिन्न देशका लागि राजदूत नियुक्तिको प्रक्रियामा लागेको छ । अहिले रिक्त रहेका ७ वटा राजदूत पद नियुक्तिको प्रक्रिया अघि बढेको हो ।
संयुक्त राष्ट्रसंघीय नियोग र विभिन्न पाँच देशमासहित ७ जना राजदूतको पद रिक्त छ । न्यूयोर्क, जेनेभास्थित संयुक्त राष्ट्रयसंघीय नियोगको स्थायी प्रतिनिधि, क्यानडा, फ्रान्स, कुवेत, यूएई र थाइल्याण्डका दूतावासमा राजदुत रिक्त भएका छन् । उनीहरू सबै करियरबाट डिप्लोम्याट हुन् ।
परराष्ट्रमन्त्री एनपी साउदले अर्को मन्त्रिपरिषद् बैठकमा राजदूत नियुक्तिका लागि प्रस्ताव लैजाने तयारी गरेका छन् । राजदूतका लागि मन्त्रालयका कर्मचारीहरु धनबहादुर ओली, लोकबहादुर थापा, तेजबहादुर क्षेत्री, प्रकाशमणि पौडेल, रामप्रसाद सुवेदी, घनश्याम लम्साल लगायत आकांक्षी छन्।
राजदूत नियुक्तिमा राजनीतिक र करियर गरी ५०/५० प्रतिशत भागवण्डा गर्ने तयारी छ।
