प्रधानमन्त्रीको सरकारी निवास बालुवाटारभित्र भोलि दिउँसो श्रद्धाञ्जली सभा हुने भएको छ । प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्ड पत्नी सीताको निधनको सातौं दिनको अवसरमा दिउँसो १ बजे श्रद्धाञ्जली सभा गर्न लागिएको छ ।
माओवादी सचिव लीलामणि पोखरेलले आज पार्टी मुख्यालयमा आयोजित कार्यक्रममा बोल्दै उक्त जानकारी दिएका हुन् । पार्टीको विद्यार्थी महाशाखाले बिहान आयोजना गरेको श्रद्धाञ्जली सभामा बोल्दै भोलि बालुवाटारमा हुने श्रद्धाञ्जली सभामा सहभागी हुन सबैलाई आग्रह गरिएको छ ।
पोखरेलको भनाई उद्धृत गर्दै सहभागी एक जना विद्यार्थी नेताले भने, ‘भोलि १ बजे बालुवाटारमा श्रद्धाञ्जली सभा हुँदैछ । त्यहाँ तपाईंहरु पनि उपस्थित भएर आफूले चिनेका, आफ्नो क्षेत्रका साथीहरु उपस्थित भएर अझ बढी व्यवस्थित गर्नुहुनेछ । त्यहाँ विभिन्न दलका मानिस उपस्थित हुनेछन् ।’
