काठमाडौं । बालुवाटारस्थित ललिता निवास जग्गा प्रकरणमा पक्राउ परेकाहरुलाई थप ५ दिन थुनामा राख्न जिल्ला अदालत काठमाडौले अनुमति दिएको छ ।
उक्त प्रकरणमा पक्राउ परेका भाटभटेनीका सञ्चालक मिनबहादुर गुरुङसहितका अभियुक्तहरुमाथि थप पाँच दिन म्याद थप गरेको हो ।
उक्त प्रकरणमा पक्राउ परेका केही आरोपितहरु २५ दिनदेखि थुनामा रहेका छन् ।
बालुवाटार जग्गा प्रकरणमा किर्ते गरेको अभियोगमा आफूलाई पक्राउ गर्ने निर्णय गैरकानुनी भएको भन्दै गुरुसहितका आरोपीहरु सर्वोच्च पुगेका छन् ।
उनीहरुको बन्दीप्रत्यक्षीकरणको मुद्दा लिएर सर्वोच्च पुगेका हुन् । न्यायाधीशद्वय प्रकाशकुमार ढुङ्गाना र नहकुल सुवेदीको इजलासमा पेसी रहेको मुद्दामा गत सोमबारदेखि सुनुवाइ चलिरहेको छ ।
सर्वोच्चले यसबारेमा आज केहीबेरमा निर्णय सुनाउने छ । आरोपीहरुलाई धरौटीमा राखेर अनुसन्धान गर्ने वा थुनामै राखेर गर्नेबारे अदालतले निर्णय दिने छ । तर, त्यसअघि नै पक्राउ परेकालाई थप ५ दिन थुनामा राख्न जिल्ला अदालतले अनुमति दिएको हो ।
