नेकपा एमाले बागमती प्रदेशको अधिवेशनअन्तरगत निर्वाचन कार्यक्रम सुरु भएको छ । निर्वाचन समितिले सार्वजनिक गरेको कार्यतालिका अनुसार बुधबार बिहान मतदाता नामावली प्रकाशन भइसकेको छ ।
यसैगरी अन्तिम नामावली प्रकाशनपछि मध्याह्न १२ बजेदेखि उम्मेदवारको दरखास्त फाराम वितरण गरिने कार्यतालिका छ । मनोनयन दर्तापछि साँझ ६ बजे अन्तिम नामावली प्रकाशित गरेर बिहीबार बिहान ८ देखि ३ बजेसम्म मतदान गर्नेगरी कार्यतालिका बनाइएको छ ।
मनोनयन दर्ताका लागि पदाधिकारीमा ५०० र सदस्यमा ३०० रुपैयाँ शुल्क निर्धारण गरिएको छ ।
