प्रहरी दिवस २०८० को अवसरमा DSP वेदप्रकाश जोशी पुरस्कृत भएका छन् ।
आईजीपी कुँवरको हातबाट डीएसपी जोशी पुरस्कृत भएका हुन् । वडा प्रहरी कार्यालय बैदाम, कास्कीको प्रमुख रहँदा जोशीले उत्कृष्ट सेवा गरेवापत पदक पाएको बताइएको छ ।
जोशी असोज १० गते कारबाहीमा परेका थिए । कारबाहीको एक महिना नपुग्दै उनलाई पदक दिइएको हो ।
गृह मन्त्रालयले वडा प्रहरी कार्यालय बैदाम कास्कीमा कार्यरत रहँदा जोशीलाई हेडक्वार्टर तानिएको थियो । कास्कीको पोखरास्थित मणिपाल अस्पताल प्रकरणमा कमाण्ड सम्हाल्न नसकेको भन्दै डीएसपी जोशीलाई त्यतिबेला प्रहरी प्रधान कार्यालयमा ल्याइएको थियो । त्यतिबेला मणिपालमा लमजुङकी ५७ वर्षीय महिलाको उपचारको क्रममा मृत्यु भएपछि तनाव भएको थियो ।
सोही क्रममा मृतकका आफन्त र स्थानीयबासिन्दाका साथै प्रहरीबाटै डाक्टरमाथि आक्रामण भएको थियो । मृतकका आफन्त र चिकित्सकबीच तनावपूर्ण अवस्था भइरहेको बेलामा सुरक्षामा खटिएका एक प्रहरीले ‘डाक्टरलाई साप चुटेर आएँ’ भन्दै आक्रोशित भीडलाई उक्साएका थिए । सोही प्रकरणलाई लिएर जोशीको सरुवा भएको थियो ।
