काठमाडौँ । चीनका पूर्व प्रधानमन्त्री ली खछ्याङको ६८ वर्षको उमेरमा निधन भएको छ । उहाँको बिहीबार राति हृदयघातको कारण निधन भएको चिनियाँ सञ्चार माध्यमले उल्लेख गरेका छन् ।सीसीटीभीका अनुसार उहाँलाई स्थानीय समय अनुसार बिहीबार मध्यरातमा हृदयघात भएको थियो ।
एक दशक चीनको प्रधानमन्त्री रहनुभएका उहाँले आर्थिक सुधारवादी नेताको रुपमा छबि बनाउनुभएकाे थियाे। राष्ट्रपति सी जिनपिङपछि सत्तारूढ सीपीसीका दोस्रो वरियतामा रहेका ली सांघाइमा बस्दै आउनुभएकाे थियाे । ली सन् २०१३ मा चीनको प्रधानमन्त्री बन्नुभएकाे थियाे ।
ली चिनियाँ कम्युनिस्ट पार्टी ‘सीसीपी’को तल्लो तहबाट उठ्दै माथि पुग्ने नेताहरूमा गनिनुहुन्छ । उहाँलाई कुनै समय चीनको भावी राष्ट्रपतिका रुपमा समेत हेर्ने गरिएको थियो ।पेकिङ विश्वविद्यालयमा अध्ययन गर्नुभएका ली चीनको अर्थ नीतिका सुक्ष्म जानकार हुनुहुन्थ्याे ।
