प्रमुख निर्वाचन आयुक्त दिनेश थपलियाले निर्वाचन आयोग राष्ट्रियसभा निर्वाचनको तयारीमा जुटेको बताएका छन् । प्रतिनिधि सभाको राज्य व्यवस्था तथा सुशासन समितिको बैठकमा बोल्दै उनले आगामी माघ १०, ११ वा १२ गते चुनाव गर्ने गरी आयोगले तयारी गरिरहेको पनि बताए ।
राष्ट्रिय सभामा आगामी फागुन २० गते रिक्त हुने १९ पदका लागि माघ १०, ११ वा १२ मा निर्वाचन गर्ने गरी तयारी अगाडि बढाइएको उनको भनाइ छ ।
राष्ट्रिय सभा सदस्यहरुको पद रिक्त हुने एक महिना अगाडि नै निर्वाचन गराउनुपर्ने संवैधानिक व्यवस्था छ ।
निर्वाचनको मितिबारे सरकारसँग परामर्श भइरहेको प्रमुख निर्वाचन आयुक्त थपलियाले जानकारी दिए ।
